Airport Briefing Officers - Trafikassistent

Suliffik

Suliffik pillugu

Sumiiffiit

Kangerlussuaq

Airport Briefing Officers (Mittarfimmi sullissisut) – Trafikassistentit / Check-in-assistentit

Nunani tamalaani avatangiisini pissanganartumi, allanngorartuartumi sulinissamik kissaateqarpit? Taava Greenland Airports Kangerlussuaq suliffissamik neqerooruteqarpoq. Greenland Airports Kangerlussuaq Airport Briefing Officer-inik / trafikassistent-inik sulisussarsiorpoq, sapinngisamik piaartumik imaluunniit isumaqatigiissuteqarnikkut sulilersussanik.

Mittarfimmi ingerlatsinermut allaffimmi suliassat

Suliassat pissanganartut assigiinngiiaartullu suliarissavatit, ulluinnarnilu suliat assigiinngiiaartuassapput. Suliassat ilaatigut ukuussapput:

* Airport 20/20 atorlugu timmisartunut logboginik suliaqarneq.

* Timmisartuussinermut tunngasunik ilitsersuutinik attassineq.

* Timmisartortartunut nalunaarutinik nassiussisarneq, NOTAM-inik silallu pissusianik paasissutissiinikkut briefing-iliortarneq, kiisalu timmisartuussinermut pilersaarutinik eqqortumik immersuinissaannut ilitsersuineq.

* Ullormut timmisartuussinissanik nakkutilliineq.

* Malittarisassat atuuttut naapertorlugit akiligassanik sullissinermilu akiliutinik akiliisitsiniartarneq.

* Mittarfiup sullitaasa pitsaanerpaamik sullinneqarnissaat qulakkeertarlugu.

* Aasaanerani angallannerup ulapaarfiunerani (maajimiit septembarimut) charter-timmisartuussinernut sullissineq.

* Nunap iluani nunanilu tamalaani timmisartuussinernut sullissineq.

* Ilaasunut sullissineq, ilaatigut check-in, boarding aamma sullitanik sullissineq.

* Ilaasunut sullissinermut atatillugu suliassat allat, ilaatigut isumannaallisaanermut (security) tunngasut.

* Allaffissornikkut suliassat, ilanngullugit dokumentit isumannaatsumik suliarineqarnissaat toqqorneqarnissaallu qulakkeertarlugit.

* Ilaasunik check-in-ertitsineq.

* Ilaasunik timmisartumukaassineq, timmisartumiillu utertillugit angallassineq.

* Timmisartuussinissat aallarnissaanut nalunaarutinik nalunaaruteqarneq.

* Timmisartuussinissat pilersaarutit malillugit ingerlanneqanngikkaangata, ilaasut eqqugaasut timmisartuussisartut ingerlatseqatigiiffiata angallassinermut malittarisassai naapertorlugit sullinneqassapput, ajornartorsiutillu ilaasunut sapinngisamik annikinnerpaatinneqassallutik.

Greenland Airportsip neqeroorutigai:

Suliffik pissanganartoq ineriartortuartoq, sulisuminut pitsaasunik atugassaqartitsinermik pingaartitsisoq kiisalu suleqatit akornanni suleqatigiilluarnerup pingaartinneqarnera.

Isumannaallisaanermut akuerisaaneq

Atorfimmut qinnuteqarsinnaassaguit isumannaallisaanermut akuersissummik pissarsisinnaasariaqarputit. Taamaattumik pinerluuteqarsimannginnermut nalunaarsuiffimmit uppernarsaat qinnuteqarnermut ilanngullugu nassiuguk. Uppernarsaat najukkanni politiinit pissarsiarineqarsinnaavoq.

Atorfininnermi atugassarititaasut:

* Atorfinitsitsineq isumaqatigiissutit atuuttut naapertorlugit pissaaq.

* Sulilernissaq isumaqatigiissutigineqassaaq.

* Sulilernermi soraarnermilu angalanerit malittarisassat atuuttut naapertorlugit akilerneqassapput.

* Nuunnermut atatillugu nassiussassanik aningaasartuutit malittarisassat atuuttut naapertorlugit matussuserneqassapput.

* Sulinngiffeqarnermi akeqanngitsumik angalasarneq isumaqatigiissutit atuuttut naapertorlugit pissaaq.

* Inissaq malittarisassat atuuttut naapertorlugit neqeroorutigineqassaaq.

* Sapaatip akunneranut 40 tiimit suliffiusassapput, suliffiup nikerartumik aaqqissuussaanera naapertorlugu, sapaatini nalliuttunilu sulinerit ilanngullugit.

* Sulilernissaq isumaqatigiissuteqarnikkut sapinngisamik piaartumik pissaaq.

* Paasisaqarnerorusukkuit

Atorfik pillugu paasisaqarnerorusukkuit apeqqutissaqaruilluunniit ulluinnarni aqutsisoq Lisbeth Rasmussen oqarasuaammut 56 29 62-mut imaluunniit e-mailimut lira@airports.gl-imut attaveqarfigisinnaavat.

Allaffissornermut pisortaq Tage Johansen oqarasuaammut +299 38 18 28 / 52 45 08-mut imaluunniit e-mailimut tjo@airports.gl-imut attaveqarfigisinnaavat.

Atorfimmut nalinginnaasumik apeqqutissat HR-mut uunga nassiunneqarsinnaapput: hr@airports.gl.

Greenland Airports / Mittarfeqarfiit pillugit annertunerusumik paasissutissat nittartakkatsinni pissarsiarineqarsinnaapput: www.airports.gl.

Piumasaqaatit

Piumasaqaatit

• Piginnaasassat
• * Timmisartuussinermut tunngasunik ilisimasaqarneq iluaqutaassaaq, piumasaqaataanngilarli.
• * Suliassanut assigiinngitsunut aamma allanngorartunut suliffiusartunut, ilaatigut nikerartumik sulisarnermut, ilumoorfiginnittuuneq tatiginartuunerlu, kiisalu pitsaasumik isiginnittaaseqarneq.
• * Oqaatsit: tuluttut, qallunaatut kalaallisut oqalussinnaaneq. Tuluttut allannikkut oqalunnikkullu pitsaasumik piginnaasaqarneq.
• * Pinerluuteqarsimannginnermut uppernarsaat (pinerluuteqarsimannginnermut nalunaarsuiffimmit uppernarsaat).
• * Trafikassistentitut ilinniarsimasuuneq imaluunniit minnerpaamik ukiumi ataatsimi check-in-assistentitut misilittagaqarneq.
• * Suliassamut piukkunnaateqartoq eqqortorlu mittarfimmi ilinniartinneqarsinnaavoq, timmisartuussinermut tunngasunik siusinnerusukkut misilittagaqanngikkaluarluni.
• * Qarasaasiamik atuisinnaaneq.
• * Sullissiumatuneq.
• * Nammineersinnaaneq.
• * Aalajangiisinnaassuseqarneq.
• * Suleqatiginnillaqqissuseq.
• * Aalajaatsuuneq.
• * Pissutsinut assigiinngitsunut naleqqussarsinnaaneq.
• * Tatiginartuuneq.
• * Biilernermut allagartaqaraanni iluaqutaassaaq.
• * Pissanganartunik ulapaarfiusunillu pisoqartillugu sulisinnaaneq.
• * Sulinermut ammasumik isiginnittaaseqarneq.

Paasissutissat allat

Paasissutissat allat

Soqutiginnippit? Qinnuteqaatit, CV-t kiisalu ilinniagaqarnermut uppernarsaatit ataani linki aqqutigalugu nassiunneqassapput, tigunissaallu qilanaaraarput. Qinnuteqarfissaq kingulleq tassaavoq 30. oktober 2026. Mittarfeqarfiit, Greenland Airports, Kalaallit Nunaanni mittarfiit 13-it aamma helikopterinut mittarfiit 46-it ingerlatarai. Ukiumut timmisartuussinerit (tinginerit mittarnerillu) 60.000-init amerlanerusut isumagisarpavut, ilaasullu 350.000-init amerlanerusut sullittarlugit. Sulisugut 400-t missaanniipput, tamannalu pissutigalugu nunatsinni suliffissuarni anginersanut ilaavugut. Sulisutta piginnaasaasa suliffeqarfiullu ineriartortinnissaat ingerlaavartumik sulissutigaarput. Taamaattumik sullissinernik ilinniartitaanernillu assigiinngitsorpassuarnik neqerooruteqartarpugut, taamaalillutalu inuiaqatigiinni ineriartornermut pitsaasumik tapersiisinnaalluta.