Narsarsuarmi teknikkimut ingerlatsinermik immikkoortortaanut sulisussarsiorpoq

Suliffik

Suliffik pillugu

Greenland Airports ingerlatsinermi sulisussamik Narsarsuarmi teknikkikkut immikkoortortaqarfimmi sulisussarsiorpoq. Sulisussaq sullissilluarnissamik, pitsaassutsimik qaffasissumik suliaqarnissamik kiisalu suliassat sapinngisamik pitsaanerpaamik sunniuteqarluartumillu naammassineqarnissaannut peqataarusuttuussaaq.

Suliassaqarfiit

Greenland Airports Narsarsuarmi ingerlatsinermut suliassanik nalinginnaasumik kommunimit, Polaroilimit, RAL-imit aamma INI-mit isumagineqartartunik isumaginnittuuvoq.

Suliassat ilaatigut ukuupput:

• Nunaqarfiup aqqusernginik, pisuinnaat aqqutaannik aamma sanaartorfiunngitsunik ukiuunerani aserfallatsaaliuineq.

• Nunaqarfiup kuuffissuinik aserfallatsaaliuineq.

• Eqqagassalerinermut kiisalu eqqakkanik eqqaavissuarmik ingerlatsinermut tunngasunik suliaqarneq.

• Umiarsuit tikinnerannut atatillugu umiarsualivimmi suliassat.

• Ikummatissamik assartuinermut tunngasunik suliaqarneq.

• Nunaqarfimmi qatserisartut upalungaarsimanerannut peqataaneq.

Suliassat allat ilaatigut ukuupput:

• Immikkoortortaqarfiup maskiinaanik atortuinillu ulluinnarni aserfallatsaaliuineq.

• Iluarsaassinernik annikinnerusunik aserfallatsaaliuinermillu suliaqarneq.

• Immikkoortortaqarfinni allani ikiuunneq.

• Mittarfiup timmisartunik ikuallattoqartillugu qatserisartutut upalungaarsimaneranut peqataaneq.

Isumannaallisaanermut akuersissummik pissarsisinnaaneq:

Atorfimmut qinnuteqarsinnaassaguit, malittarisassat atuuttut naapertorlugit isumannaallisaanermut akuersissummik pissarsisinnaasariaqarputit. Taamaattumik pinerluuteqarsimannginnermut nalunaarsorsimaffimmit paasissutissat naqitanngorlugit ilanngutissavatit. Taakku najukkanni politiinit imaluunniit www.sullissivik.gl aqqutigalugu pissarsiarineqarsinnaapput.

Atorfinitsitaanermut atugassarititaasut:

Akissarsiat atorfeqarnermilu atugassarititaasut kattuffimmut attuumassuteqartumut isumaqatigiissutit atuuttut naapertorlugit aalajangersarneqassapput.

• Sulilerneq sulinermillu taamaatitsineq malittarisassat atuuttut naapertorlugit pissapput.

• Qaammatini 12-ini atorfeqareernermi malittarisassat atuuttut naapertorlugit sulinngiffeqarnermi angalanissamut akiliunneqarsinnaaneq.

• Inissamik sulisunut atugassarititaasumik neqerooruteqartoqassaaq, ineqarnermullu akiliuteqartarneq malittarisassat atuuttut naapertorlugit pissalluni.

• Sapaatip akunneranut nalunaaquttap akunneri 40-t suliffiussapput.

• Sulilerneq piaarnerpaamik imaluunniit isumaqatigiissuteqarnikkut pissaaq.

Paasisaqarnerorusukkuit:

Atorfik pillugu annertunerusumik paasisaqarusukkuit imaluunniit apeqqutissaqaruit, mittarfimmi pisortaq Finn Thomsen attavigisinnaavat:

E-mail: fth@airports.gl

Oqarasuaat: 497701

Apeqqutit nalinginnaanerusut HR-imut immikkoortortaqarfimmut nassiunneqarsinnaapput:

E-mail: hr@airports.gl

Greenland Airports pillugu annertunerusumik paasisaqarusukkuit nittartagarput www.airports.gl alakkarsinnaavat.

Piumasaqaatit

Piumasaqaatit

• Piumasaqaatit:
• Naatsorsuutigaarput, illit:
• • Torersuunermik pingaartitsisuussasutit, suliallu pitsaassusaat eqqumaffigissagit.
• • Nuannersumik pissuseqassasutit suleqatinnillu suleqatiginnillaqqissuseqassasutit.
• • Biilinik angisuunik ingerlatitsisinnaanermut allagartaqassasutit.
• • Pinerluuteqarsimannginnermut uppernarsaammik saqqummiussisinnaassasutit.
• • Suliassat aamma suliffiup piffissaanut tunngatillugu allannguisinnaassuseqassasutit.
• • Sanaartornermi maskiinanik angisuunik siusinnerusukkut sulisimaguit tamanna iluaqutaassaaq.
• Greenland Airportsip neqeroorutigai
• • Suliffik pissanganartoq assigiinngitsorpassuarnillu suliassaqarfiusoq, tassani suleqatit peqatigalugit ulluinnarni suliassat naammassineqartarlutik.
• • Kalaallit Nunaanni suliffeqarfiit pisortanit pigineqartut annersaata ilaat suliffigalugu suliffeqarfiup iluani immikkoortortaqarfinni allani sulilernissamut periarfissat pitsaasut.

Paasissutissat allat

Paasissutissat allat

Qinnuteqaat Atorfimmut qinnuteqaatitut qinnuteqaat, CV kiisalu ilinniagaqarsimanermut uppernarsaatit ataani linki aqqutigalugu qarasaasiakkut nassiunneqassapput. Kingusinnerpaamik ulloq 12. juuni 2026 nassiunneqassapput. Atorfinitsitsinissamut oqaloqatiginninnerit ingerlaavartumik ingerlanneqassapput. Mittarfeqarfiit – Kalaallit Nunaanni Mittarfiit Mittarfeqarfiit Kalaallit Nunaanni mittarfiit 13-it aamma qulimiguulinnut mittarfiit 43-t ingerlatarai. Ukiumut timmisartut 60.000-init amerlanerusut aallartittarneri mittarfinnullu missittarneri isumagisarpavut, ilaasunillu 800.000-init amerlanerusunik sullissisarluta. Sulisut 450-t missaanniittut peqatigalugit nunatsinni suliffeqarfiit annersaat ilagaat. Sulisutta piginnaasaasa ineriartortinneqarnissaat suliffeqarfiullu ineriartortinneqarnissaa ataavartumik sulissutigaarput. Taamaammat sullissinernik assigiinngitsorpassuarnik ilinniartitaanernillu neqerooruteqartarpugut, tamakkulu inuiaqatigiinni ineriartornermut pitsaasumik tapersiisinnaatippaatigut.