Greenland Airports Nuuk Security Konsulentissarsiorpoq

Suliffik

Suliffik pillugu

Sumiiffiit

Nuuk

Greenland Airportsimi sulinermi ineriartornissamut periarfissaq pissanganartoq!

Security-konsulenti – Isumannaallisaanermut siunnersorti

Isumannaallisaaneq isernissamut nakkutiginninnerlu soqutigisaraagit? Mittarfinni inatsisit malittarisassallu malinneqarnissaat qulakkeerniarlugu pingaarutilimmik inissisimaffeqarnissat kissaatigiviuk? Taava Greenland Airportsimi atorfiup pissanganartup uuma qinnuteqarfiginissaanut immaqa illit piukkunnartuuvutit.

Greenland Airports pillugu

Greenland Airports nunatsinni angalanerit pitsaasut isumannaatsullu tunngavissaannik pilersitsisuuvoq. Periarfissanik ammaassisuuvugut, attaveqaqatigiinnernik pilersitsisarluta nunarsuarmilu sumiiffiit assigiinngitsut tikikkuminarsarlugit. Mittarfiit isumannaatsumik sunniuteqarluartumillu ingerlanneqarnerisigut inuiaqatigiinni ineriartornermut siuariartornermullu peqataavugut.

Angalasut innuttaasut tikeraartullu toqqissisimasumik sunniuteqarluartumillu angalanissaat qulakkeerniarlugu sulivugut, peqatigisaanillu takornariaqarnerup inuussutissarsiutillu ineriartortinneqarnerannut tapersiilluta.

Suliassat akisussaaffiillu

Security-konsulentitut mittarfiit isumannaatsuunissaat ingerlalluarnerallu qulakkeerniarlugit pingaarutilimmik inissisimassaatit. Sillimaniarnermut pisortamut (Sikkerhedschef) toqqaannartumik attaveqartassaatit, suliffigissallugulu Nuup mittarfiani.

Suliassatit pingaarnerit ilaatigut ukuussapput:

* Mittarfinni iserfissamut nakkutiginninnermut tunngasunik inatsisit malinneqarnissaata qulakkeernissaa.

* Sulisunut avataaneersunullu ID-kortinik suliaqarnissaq ingerlatsinerlu.

* Tunuliaqutaasumik annertusisamik misissuinermut politiinillu akuerineqarnermut uppernarsaatinik suliaqarnissaq.

* Iserfissamut nakkutiginninnermut aaqqissuussamik aqutsineq, kiisalu tassunga tunngatillugu uppernarsaatinik suliaqarnissaq.

* Iserfissamut malittarisassanik suleriaatsinillu nutarterineq, attassineq pitsanngorsaanerlu.

* Mittarfiit suleqatigalugit aarlerinartorsiutinik naliliineq isumannaallisaanermullu pilersaarutinik attassineq.

* Inatsisinik, malittarisassanik aalajangersakkanillu attuumassuteqartunik ingerlaavartumik malinnaaneq.

* Nakkutilliinerni/auditini ikiuunneq, kiisalu Sillimaniarnermut pisortaq suleqatigalugu Trafikstyrelsenimut allakkatigut akissutinik suliaqarneq.

* Immikkoortortaqarfiit allat ilisimasanik avitseqatiginerisigut suleqatigiinnerup suleriaatsillu sunniuteqarluarnerulernissaat siuarsassallugu.

Qinnuteqaatit ingerlaavartumik suliarineqassapput oqaloqatiginninnerillu ingerlaavartumik ingerlanneqassallutik. Saaffiginnissutit tamarmik isertuullugit suliarineqassapput.

Isumannaallisaanermut akuersissut

Atorfimmut qinnuteqartutut piukkunnartuunissamut piumasaqaataavoq malittarisassat atuuttut naapertorlugit isumannaallisaanermut akuersissummik pissarsisinnaanissat, akuersissullu taanna ataavartumik attassinnaanissaa.

Paasissutissat sukumiinerusut

Atorfik pillugu sukumiinerusumik paasisaqarusukkuit Sillimaniarnermut pisortaq Troels Arnkjær e-mailikkut attavigisinnaavat: troa@airports.gl

HR-afdelingimut apeqqutit nalinginnaasut uunga nassiunneqarsinnaapput: hr@airports.gl

Greenland Airports pillugu annertunerusumik paasisaqarit: www.airports.gl

Suleqatissamik pimoorussisumik akisussaassuseqartumillu ujartuivugut

Suleqatissamik tunniusimasumik akisussaassuseqartumillu, sukumiisunut eqqummaarittumik mittarfiillu isumannaatsuunerisa qaffasissusaanik pitsanngorsaanissamut kajumissuseqartumik ujartuivugut.

Greenland Airportsimi suliffeqarfimmut ilaalissaatit, mittarfiinnarnik ingerlatsisuunngitsumut, aammali periarfissanik nutaanik ammaasumik Kalaallit Nunaannilu tamarmi ineriartornermik pilersitsisumut.

Sulisutut ineriartortuarnissat kissaatigigukku, allanngorartumik pissanganartumillu sulinermi avatangiiseq nuannarisarukku, aammalu Kalaallit Nunaannut tamarmut pingaarutilimmik suliffeqarfiup ineriartortinneqarneranut peqataarusukkuit, taava periarfissaq manna atorluaruk!

Piumasaqaatit

Piumasaqaatit

• Piginnaasat:
• * Qarasaasiamik atuisutut immikkut ilisimasaqarluartuuneq (superbruger).
• * Kalaallisut, qallunaatut tuluttullu allattariarsornikkut oqalunnikkullu erseqqissumik paatsuugassaanngitsumillu attaveqarsinnaaneq.
• * Nammineerluni aaqqissuulluakkamik sulisinnaaneq, kiisalu ineriartortitsinissamut piumassuseqarneq.
• * Mittarfilerinermik silaannakkut angallassinermilluunniit misilittagaqarnissaq iluaqutaassaaq, piumasaqaataanngilarli.

Paasissutissat allat

Paasissutissat allat

Qinnuteqarneq Qinnuteqaatit, CV-t ilinniarsimanermullu uppernarsaatit attuumassuteqartut kingusinnerpaamik 03. November 2026 nassiutikkit.