Mittarfik Nuummmi Indsatslederissarsiorpugut

Suliffik

Suliffik pillugu

Sumiiffiit

Nuuk

Mittarfik Nuuk-imi timmisartunut upalungaarsimasunut aqutsisumik sulisussarsiorpoq

Suliassat makkuussapput:

Upalungaarsimasuni aqutsisutut ulluinnaat assigiinngiiaartuussapput suliassallu assigiinngitsuussallutik, sulisunik aqutsinermiik qatserisartoqarfiup ulluinnarni ingerlanneqarneranut tigumminneqataassallutit. Upalungaarsimasutut aqutsisut arfinillit suleqatigissavatit, paarlakaajaattumik sulisunut akisussaasuusassallutik.

· Piffissat suliffiusussat inississorneri, mittarfiullu ingerlanneqarneranut nakkutiginninneq

· Timmisartunik sullissineq aputaajaanerlu

· Mittarfiup illutaanik biiliinillu aserfallatsaaliineq

· Atortunik, atortullu taarsiissutissaannik pisiniarneq, ingerlaavartumillu atortut qanoq innerinik nalilersuineq

· Qatserinermik annaassiniarnermillu piujuartitsinissamut sungiusarneq (BOR)

· Illoqarfimmi timmisartunullu qatserisartunik pikkorissaaneq

Greenland Airportsip neqeroorutigai:

Suliffik pissanganartoq ineriartorfiusorlu neqeroorutigaarput, sulisutta atugassarititaasa pitsaasuunissaat suleqatillu akornanni suleqatigiilluarnissaq pingaartillugit.

Sulisut 31-it akornanni suleqataalissaatit, tamarmik namminersorlutik sulisinnaasut kiisalu suleqatigiillutik suliaqarsinnaasut. Sulinermi sungiusarnikkut, pikkorissarnernik ilinniartitaanernillu tapertaqartinneqarnikkut piginnaasatit attatiinnarlugit ineriartortinnissaannut periarfissaqarluassaatit.

Atorfininnermi atugassarititaasut:

Greenland Airports immikkut isumaqatigiissuteqarnermi atorfinitsitsinissaq neqeroorutigisinnaavaa, ilaatigut uku ilanngunneqarsinnaallutik:

* Sapaatip akunneranut akunnerit 40-ni sulineq.

* Atorfininneq piaarnerpaamik isumaqatigiinnikkulluunniit.

Paasisaqarnerorusukkuit:

Atorfik pillugu paasisaqarnerorusukkuit imaluunniit apeqqutissaqaruit, Teamleder BOR/SØR oqarasuaatikkut 384315-imut attaveqarfigisinnaavat.

Apeqqutit nalinginnaanerusut HR-imut uunga nassiunneqarsinnaapput: hr@airports.gl

Greenland Airports pillugu annertunerusumik paasisaqarit uani: www.airports.gl

Piumasaqaatit

Piumasaqaatit

• Piginnaasatit
• Atorfimmut pisinnaassaguit terminalarbejderitut ilinniarsimasuusariaqarputit, mittarfiup ingerlanneqarneranut ilinniagaqarsimassaatit kiisalu qatserinermut annaassiniarnermullu minnerpaamik ukiuni 2-4 misilittagaqarsimassallutit. Minnerpaamik piumasaqaataavoq Indsatsleder-fly ilinniagaqarfigisimassagit.
• Saniatigullu makkua pingaartinneqassapput:
• · Indsatsleder-fly ilinniagaqarfigisimanissaa.
• · Imaani annaassiniarnermik pikkorissarsimanissaq.
• · Biilinut angisuunut ingerlatsisinnaanermik allagartaqarnissaq.
• · Terminalarbejderitut ilinniarsimasuunissaq (piumasaqaataanngilarli).
• · Kalaallisut, danskisut sapinngisamillu tuluttut oqaaseqartuunissaq.
• · Qarasaasiarsornermut tunngaviusunik ilisimasaqarnissaq.
• · Pinerlussimannginnermut uppernarsaat.

Paasissutissat allat

Paasissutissat allat

Qinnuteqaat: Atorfimmut qinnuteqaatit, CV-t aammalu ilinniarsimanermut uppernarsaatit kingusinnerpaamik ulloq 31. oktober 2026 nassiunneqassapput. Atorfinitsitsinissamut oqaloqatiginninnerit ingerlaavartumik ingerlanneqassapput. Kalaallit Nunaanni Mittarfiit Kalaallit Nunaanni mittarfiit 13-it aammalu qulimiguulinnut mittarfiit 46-t ingerlatarai. Ukiumut timmisartut 60.000-init amerlanerusut aallartarneri miffiillu isumagisarpagut, ilaasullu 350.000-init amerlanerusut sullissarlugit. Sulisugut 400-t missaanniipput, taamaattumik nunatsinni suliffissuit annersaat ilagaatigut. Sulisutta piginnaasaasa aammalu suliffeqarfiup ineriartortinneqarnissaat ingerlaavartumik sulissutigaarput. Taamaattumik sullissinernik ilinniartitaanernillu assigiinngitsorpassuarnik neqerooruteqartarpugut, inuiaqatigiillu ineriartornerannut pitsaasumik sunniuteqarnissamut periarfissaqarluta.