Uummannap Mittarfiani Heliportimi aqutsisussarsiorpugut

Suliffik

Suliffik pillugu

Sumiiffiit

Uummannaq

Uummannap Mittarfiani Heliportimi aqutsisussarsiorpugut

Sulisoqarnermut qanimut aqutsisuuit, angallaffiup ulapaarfiup nalaani sanngisuumik eqqarsarsinnaallutit, timmisartullu pilersaarutaat aamma suleriaatsit ulluinnarni patajaatsumik ingerlatsinermut, suleriaatsinillu pitsaasunik atuutilersitsisinnaallutit? Taava illit pisariaqartippatsigit.

Atorfimmi matumani Uummannaq Heliportip ulluinnarni ingerlatsinerata isumannaatsumik, pitsaasumik sunillu tamanik eqqarsaatiginnilluni ingerlanneqarnissaa qulakkeeqataaffigissavat. Ilaasunut, nassiussanut aamma suleqatigisartakkanut immikkut sammisumik ingerlatsineq ingerlanneqassaaq.

Atorfik pillugu

Heliportimi aqutsisutut sumiiffimmi ingerlatsinermut, allaffissornermut sulisunullu tunngasunut akisussaaffik tamakkiisoq tigussavat. Heliportimi sulisut piginnaasaasa attatiinnarneqarnissaat ineriartortinneqarnissaallu pingaartinneqassapput, taamaalilluni isumannaallisaaneq, akisussaassuseq, piginnaaneqarneq, suliffeqarfiup ingerlanneqarneranik paasinninneq suleqatigiinnerlu qitiutinneqassallutik.

Heliportip ingerlatsinerata malittarisassanik inatsisinillu atuuttunik, pingaartumik Safety aamma Quality pillugit piumasaqaatinik, tamatigut naammassinninnissaa qulakkeertassavat. Tamanna timmisartunik ingerlatsinermi sulinerup aamma ilaasunik sullissinerup saniatigut sulisunik pilersaarusiornerup, naatsorsuutinik aamma qaammatit tamaasa nalunaarusiornerup isumaginissaanut tunngavoq.

Suliassatit ilaatigut ukuussapput:

Allaffissorneq & ingerlatsineq – nalunaarusiorneq

Heliporti aalajangersimasumik missingersuusiorneq naapertorlugu ingerlattassavat paarisarlugulu.

Ingerlatsineq aningaasaqarnerlu pillugit qaammatit tamaasa mittarfimmi pisortamut nalunaarusiortassaatit.

Timmisartuutileqatigiinnut akiligassanik naatsorsuusiorneq isumagissavat.

Ikummatissamik tunisinermi naatsorsuutit isumagissavat.

Heliportip ingerlatsinerani pitsaassutsimut piumasaqaatit, isumannaallisaaneq aamma malittarisassat tamarmik atuuttut tamatigut naammassineqarnissaat qulakkeertassavat.

Sulisunik aqutsineq

Sulisunik tallimanik toqqaannartumik aqutsisuussaatit, taakkununnga ilanngullugit usingiaasut marluk aamma trafikassistentit marluk.

Angallannermut pilersaarut atuuttoq naapertorlugu sulisunik suliffissanik pilersaarusiortassaatit ataavartumillu pitsanngorsartassallugit, taamaalilluni sulisussat pitsaanerpaamik atorneqarnissaat qulakkeerneqarluni.

Sulisullu suliffigisimasaat aamma suliartortarnerit qaangiussilluni sulinerit (overtid) nakkutigissavatit akuersissutigisassallugillu, kiisalu sulisut piginnaasaasa ataavartumik ineriartortinneqarnissaat isumagissavat.

Ilaasunik aamma timmisartunik sullissineq

Ilaasunik aamma timmisartunik sullissinermi sulinermi suleqatitit peqatigalugit peqataassaatit.

Ilaasunik sullississaatit, kiisalu helikopterit aallartarneranni tikittarnerannilu suliassat isumagissallugit.

Allakkat nassiussat tikittut nassiussassat kiisalu nassiussat allat isumagissavatit.

Angallannermut paasissutissat ersarissut tunniutissavatit, kiisalu ilaasunut, nassatanut aamma timmisartukkut nassiussanut tunngasunik allannguutit ajornartorsiutillu professionelimik isumagissallugit.

Illit pillutit

Misilittakkatit pingaartinneqassapput, aammalu timmisartuutileqatigiinni, angallannermi imaluunniit ingerlatsivinni allani assingusuni misilittagaqarneq naleqquttuuvoq. Suliffimmik pingaarutilimmik inuiaqatigiinnut sullissisumik aqutsinissamut ingerlatsisarnissamullu piumassuseqarlutillu kajumissuseqarnissat naatsorsuutigaarput, pingaartumik avatangiisimi ulapaarfiusumi sulinerullu annertuumik artornarsinnaaffiani.

Aqutsisutut maligassiuisussamik, takuneqarsinnaasumik, inussiarnersumik attaveqaqatigiissinnaasumik aammalu suleqatinik attaveqarluartartumik inuttassarsiorpugut. Kisimiillutit sulilluarsinnaassaatit, ground-stopinik ulapaarfiusunik nalaataqarnermi aalajangiinerit sukkasuumik isumannaatsumillu aalajangiiffigisinnaassavatit, sulisunillu kajumilersitsisinnaallutit.

Neqeroorutigaarput

Aqutsisutut atorfik pissanganartoq allanngorartorlu, suliffeqarfimmi ineriartupiloortumi ulluinnarni ingerlatsinermut annertuumik attaveqaatitaqarlunilu toqqaannartumik sunniuteqarsinnaaffiusoq.

Tamatuma saniatigut uku neqeroorutigineqarput:

Akissarsiat unammillersinnaasut.

Illit ilaquttavillu atorfinikkiartornermi angalanissaat pisariaqartillugu.

Atorfininnermi pigisat nuunneqarnissaat.

Sulisunut inissiaq malittarisassat atuuttut naapertorlugit.

Isumannaallisaanermut akuersissummik pissarsisinnaanissaq.

Isumannaallisaanermut akuersissut

Atorfimmut eqqarsaatigineqassaguit politiinit isumannaallisaanermut akuersissummik pissarsisinnaasariaqarputit. Taamaattumik qinnuteqarnermut atatillugu siullermik pinerluuteqarsimannginnermut uppernarsaat ilanngutissavat. Taanna politiinut najukkami oqartussaasunut saaffiginninnikkut imaluunniit www.sullissivik.gl aqqutigalugu pissarsiarineqarsinnaavoq.

Paasisaqarnerorusukkuit

Atorfik pillugu amerlanerusunik paasisaqarusukkuit imaluunniit apeqqutissaqaruit, mittarfimmi pisortaq James Nielsen attavigisinnaavat oqarasuaatikkut +299 58 33 01 imaluunniit jani@airports.gl aqqutigalugu.

Apeqqutit nalinginnaanerusut HR-afdelingen-imut uunga nassiunneqarsinnaapput: hr@airports.gl.

Greenland Airports pillugu amerlanerusunik paasissutissat uani pissarsiarineqarsinnaapput: www.airports.gl.

Piumasaqaatit

Piumasaqaatit

• Tamatuma saniatigut piginnaasat inuttullu pisinnaasat uku pigissagitit kissaatigaarput:
• Sulisunik aqutsinermi, suliffissanik pilersaarusiornermi, sulisimanernik nalunaaquttap akunnerinik aqutsinermi aamma missingersuutinik malinnaanermi misilittagaqarnissat.
• Timmisartunik sullissinermi, load control-imi aamma ilaasunik sullissinermi ilisimasaqarneq imaluunniit misilittagaqarneq iluaqutaassaaq.
• Atuisunut/ilaasunut sullissinermik pingaartitsisuussaatit, allaffissornermi naatsorsuutinillu suliaqarnermi aaqqissuussaasumik kisitsisinillu paasinnilluartumik periuseqassallutit.
• Nukissaqarluartumik suleriaaseqassaatit, pisariaqartillugu aalajaatsuussaatit, ulluinnarnilu suliassanik piviusunngortitsillaqqissuussallutit.
• Attaveqaqatigiinnermi ersarissuussaatit, isumannaallisaaneq, pitsaassuseq aamma timmisartuussinermi malittarisassat salliutittassallugit.

Paasissutissat allat

Paasissutissat allat

Qinnuteqaat Atorfimmut eqqarsaatigineqassaguit qinnuteqaat, CV aamma ilinniarsimanermut uppernarsaatit linki atorlugu kingusinnerpaamik 23. oktoberi 2026 nassiunneqassapput. Saaffiginnissutit tamarmik isertuussassatut suliarineqassapput. Oqaloqatiginninnerit ingerlaavartumik ingerlanneqassapput.